Inglan Is a Bitch — текст песни (Linton Kwesi Johnson)

wВґen mi jusВґ come to Landan toun
mi use to work pan di andahgroun
but workinВґ pan di andahgroun
yВґu donВґt get fi know your way around

Inglan is a bitch
dereВґs no escapin it
Inglan is a bitch
dereВґs no runninВґ whey fram it

mi get a lickle jab in a bih Вґotell
anВґ awftah a while, mi woz doinВґ quite well
dem staat mi aaf as a dish-washah
but wВґen mi tek a stack, mi noh tun clack-watchah

Inglan is a bitch
dereВґs no escapin it
Inglan is a bitch
no baddah try fi hide fram it

wВґen dem giВґ you di lickle wage packit
fus dem rab it wid dem big tax rackit
yВґu haffi struggle fi mek enВґs meet
anВґ wВґen yВґu goh a yВґu bed yВґu jusВґ canВґt sleep

Inglan is a bitch
dereВґs no escapin it
Inglan is a bitch
a noh lie mi a tell, a true

mi use to work dig ditch wВґen it cowl noh bitch
mi did strang like a mule, but bwoy, mi did fool
den awftah a while mi jusВґ stap dhu ovahtime
den awftah a while mi jusВґ phu dung mi tool

Inglan is a bitch
dereВґs no escapin it
Inglan is a bitch
yВґu haffi know how fi survive in it

well mi dhu day wok anВґ mi dhu nite wok
mi dhu clean wok anВґ mi dhu dutty wok
dem seh dat black man is very lazy
but if yВґu si how mi wok yВґu woulda sey mi crazy

Inglan is a bitch
dereВґs no escapin it
Inglan is a bitch
yВґu bettah face up to it

dem a have a lickle facktri up inna Brackly
inna disya facktri all dem dhu is pack crackry
fi di laas fifteen years dem get mi laybah
now awftah fifteen years mi fall out a fayvah

Inglan is a bitch
dereВґs no escapin it
Inglan is a bitch
dereВґs no runninВґ whey fram it

mi know dem have work, work in abundant
yet still, dem mek mi redundant
now, at fifty-five mi gettinВґ quite olВґ
yet still, dem senВґ mi fi goh draw dole

Inglan is a bitch
dereВґs no escapin it
Inglan is a bitch
is whey wi a goh dhu Вґbout it?